கும்மிடிப்பூண்டி: கும்மிடிப்பூண்டி சுற்று வட்டார பகுதிகளில் லோடு ஆட்டோ, இரு சக்கர வாகனங்கள் திருட்டு, தேர்வழி பகுதியில் அரசு பள்ளியில் திருட்டு, பழைய மோட்டார் வாங்கும் கடையில் மோட்டார்கள் திருட்டு, பூட்டி கிடக்கும் வீடுகளில் திருட்டு என பல தொடர் குற்றச்சம்பவங்கள் கடந்த 2 மாதங்களில் நடந்தது. இந்த குற்றச்சம்பவங்களில் ஈடுபட்டவர்களை பிடிக்க கும்மிடிப்பூண்டி டிஎஸ்பி ரமேஷ் தனிப்படை அமைத்திருந்தார். இந்நிலையில் இந்த குற்றச் சம்பவங்களில் ஈடுபட்டதாக தேர்வழி பகுதியை சேர்ந்தவர் குகன்(22), பாக்யராஜ்(23), சுரேஷ்(22),சூர்யா(21), திருமலை(22), விஜயகுமார்(27) ஆகிய 6 பேரை கும்மிடிப்பூண்டி இன்ஸ்பெக்டர் சக்திவேல் தலைமையிலான போலீஸார் கைது செய்து விசாரணை நடத்தினர்.