திருநின்றவூர்: ஆவடி அடுத்த திருநின்றவூர், அருந்ததிபாளையம் கிராமத்தில் உள்ள ஒரு வீட்டில் கஞ்சா பதுக்கி விற்பதாக திருநின்றவூர் போலீசாருக்கு ரகசிய தகவல் வந்தது. இதனையடுத்து, இன்ஸ்பெக்டர் குணசேகரன் தலைமையில் தனிப்படை போலீசார் சம்பவ இடத்திற்கு நேற்று விரைந்து சென்றனர். மேட்டுத் தெருவில் உள்ள ஒரு வீட்டில் போலீசார் அதிரடியாக நுழைந்து சோதனை செய்தனர். அப்போது, அங்கு 2 பிளாஸ்டிக் பைகளில் கஞ்சா பதுக்கி வைக்கப்பட்டிருப்பது கண்டுபிடிக்கப்பட்டது. இதன்பிறகு, அங்கிருந்த 15 கிலோ எடை உடைய கஞ்சாவை போலீசார் பறிமுதல் செய்தனர்.