பெரியகுளம்: தேனி மாவட்டம், பெரியகுளம் அருகே சோத்துப்பாறை அணை உள்ளது. அணையின் கீழ் உள்ள ஆற்றுப்பகுதியில் சுற்றுலாப்பயணிகள் குளிப்பது வழக்கம். ஆனால் அணையின் மதகு பகுதியில் வாலிபர்கள் சிலர் குளிப்பது போன்ற வீடியோ வைரலாகி வருகிறது.வீடியோவில், அணையின் மதகு பகுதியில் வரிசையாக ஏறி வாலிபர்கள் நிற்கின்றனர். பின்னர் தண்ணீர் விழும் மதகில் இருந்து சறுக்கி கீழே வருகின்றனர். இந்த வீடியோ தற்போது தேனி மாவட்டம் முழுவதும் பரபரப்பை ஏற்படுத்தி உள்ளது.