ஹூஸ்டன்: உலகில் கொரோனாவால் மிகவும் அதிகளவாக, அமெரிக்காவில் 23 லட்சத்துக்கும் மேற்பட்டோர் பாதித்துள்ளனர். இதுவரை 1.20 லட்சம் பேர் இறந்துள்ளனர். இதனிடையே, வாஷிங்டன் பல்கலைக் கழகம் அக்டோபர் மாதம் அமெரிக்காவில் வைரசால் இறப்போரின் எண்ணிக்கை 1.80 லட்சமாக உயரும் என்று கணித்துள்ளது. இந்நிலையில்தான், அமெரிக்காவில் கொரோனா நேற்று மீண்டும் புத்துயிர் பெற்று எழுச்சி அடைந்துள்ளது. கடந்த 24 மணி நேரத்தில் மட்டும் அங்கு 34,700 பேர் பாதித்துள்ளனர். இதற்கு முன், கடந்த ஏப்ரல் மாதம் 36,400 பேர் பாதிக்கப்பட்டதே அதிகளவாக உள்ளது.