சென்னை: ரயில்கள் மற்றும் பணிமனைகள் ஏற்கனவே போதிய சுகாதாரம் இல்லாமல் இருக்கும் நிலையில், கொரோனா தனிமைப்படுத்தும் வார்டுகளாக மாற்றக்கூடாது என்று உத்தரவிடக்கோரி சென்னை உயர் நீதிமன்றத்தில் வழக்கு தொடரப்பட்டிருந்தது. இந்த வழக்கு நீதிபதி எஸ்.வைத்தியநாதன் முன்பு விசாரணைக்கு வந்தது. ஜூம் ஆப் என்ற வலைத்தளம் மூலம் நீதிபதி வழக்கை விசாரித்தார். தெற்கு ரயில்வே சார்பில் வக்கீல் பி.டி.ராம்குமார் ஆஜராகி, ரயில் பெட்டிகள் மருத்துவமனையாக மாற்றப்படுவதில்லை. கொரோனா வைரஸ் தொற்று ஆரம்ப கட்டத்தில் இருப்பவர்களை தனிமைப்படுத்தும் வார்டுகளாக மட்டுமே மாற்றப்பட உள்ளது. அதிக பாதிப்பு ஏற்படும்போது மற்ற மருத்துவமனைகளில் இடப்பற்றாக்குறை இருந்தால் மட்டுமே ரயில் பெட்டிகள் வார்டுகளாக பயன்படுத்தப்படும்.