சென்னை: தங்கம் நேற்று திடீரென சவரனுக்கு ரூ.208 குறைந்தது. தங்கம் விலை கடந்த 2 மாதமாக உயர்ந்து வந்தது. இந்த நிலையில் இந்த மாதம் தொடக்கத்தில் தங்கம் விலை மேலும் உயர்ந்தது. மார்ச் 2ம் தேதி ஒரு சவரன் ரூ.32,040, 3ம் தேதி ரூ.32,300, 4ம் தேதி ரூ.33,024, 5ம் தேதி ரூ.32,976க்கும், 6ம் தேதி ரூ.33,760க்கும் விற்கப்பட்டது. இது தங்கம் விலை வரலாற்றில் அதிகப்பட்ச விலை என்ற வரலாற்று சாதனையை படைத்தது. 7ம் தேதி ஒரு சவரன் ரூ.33,656க்கு விற்கப்பட்டது. 8ம் தேதி ஞாயிற்றுக்கிழமை என்பதால் தங்கம் மார்க்கெட்டு விடுமுறை நாளாகும்.