மதுரை: பலாத்காரத்தால் கர்ப்பமான, வலிப்பு நோய் பாதித்த பெண்ணின் கர்ப்பத்தை கலைக்க அனுமதித்த ஐகோர்ட் கிளை, டிஎன்ஏவை பாதுகாக்க வேண்டுமென உத்தரவிட்டுள்ளது. சிவகங்கை மாவட்டத்தைச் சேர்ந்த ஒரு பெண், ஐகோர்ட் மதுரை கிளையில் தாக்கல் செய்த மனு: கணவரை இழந்த நான் ஆடு மேய்க்கிறேன். 26 வயதாகும் என் மகள் வலிப்பு நோயால் மனரீதியாக பாதித்து வீட்டிலேயே முடங்கியுள்ளார். சில வாரங்களுக்கு முன் என் மகளின் வயிறு சற்று வீங்கியிருந்தது. சந்தேகமடைந்து டாக்டர்களிடம் பரிசோதித்தேன். அப்போது என் மகள் 3 மாத கர்ப்பிணியாக இருப்பது தெரிய வந்தது. நான் ஆடு மேய்க்க சென்றதை சாதகமாக பயன்படுத்திய பக்கத்து வீட்டைச் சேர்ந்த காசி என்பவர், என் மகளை கட்டாயப்படுத்தி பாலியல் பலாத்காரம் செய்துள்ளார்.