கரூர்: கரூர் திண்ணப்பா நகரில் இருந்து திருச்சி பைபாஸ் சாலைக்கு செல்லும் சாலையோரம் சிதிலடைந்த நிலையில் உள்ள டிரான்ஸ்பார்மர் விரைவில் மாற்றப்பட வேண்டும் என்ற கோரிக்கை வைக்கப்பட்டுள்ளது. கரூர் திண்ணப்பா நகர்ப்பகுதியில் ஏராளமான தெருக்கள் உள்ளன. நூற்றுக்கணக்கான குடியிருப்புகள் உள்ளன. இந்த பகுதியில் கரூர்-திருச்சி பிரதான சாலைக்கு செல்லும் பகுதியில் டிரான்ஸ்பார்மர் அமைக்கப்பட்டு பயன்பாட்டில் இருந்து வருகிறது. இந்த டிரான்ஸ்பார்மரில் இருந்து பல்வேறு பகுதிகளுக்கு மின்சப்ளை வழங்கப்பட்டு வருகிறது.