திருப்பரங்குன்றம்: எய்ம்ஸ் மருத்துவமனை அமையவுள்ள இடத்திற்கு செல்லும் சாலை விரிவாக்க பணிக்காக அகற்றப்படும் மரங்கள் பத்திரமாக வேறு இடத்தில் நடப்படுகின்றன. மதுரை மாவட்டம், தோப்பூரில் சுமார் 224 ஏக்கர் பரப்பளவில் எய்ம்ஸ் மருத்துவமனை அமையவுள்ளது. எய்ம்ஸ் அமையவுள்ள பகுதிக்கு பெங்களூரு கன்னியாகுமரி தேசிய நெடுஞ்சாலையில் இருந்து 22 கோடி மதிப்பில் சுமார் 6.5 கிலோ மீட்டர் தூரத்திற்கு சாலை விரிவாக்க பணிகள் நடைபெற்று வருகிறது. இந்த பணிகளுக்காக ஆஸ்டின்பட்டி பகுதியில் சாலையில் உள்ள 26 வேம்பு ரக மரங்கள் அகற்றப்பட உள்ளது.