சிவகங்கை: சிவகங்கை அருகே சாலூரில் ஊராட்சி மன்ற தலைவர் அடித்த போஸ்டரில், அதிமுக கொடி கலரிலேயே, கலெக்டரின் பெயரும் இடம் பெற்றதால் பரபரப்பு ஏற்பட்டுள்ளது. சிவகங்கை அருகே சாலூரில் சுகாதார சிறப்பு முகாம் நேற்று நடந்தது. இதற்காக ஊராட்சி தலைவர் நாச்சம்மாள் அர்ச்சுனன், அதிமுக நிர்வாகிகளை வரவேற்று போஸ்டர் அடித்து பல்வேறு பகுதிகளில் ஒட்டியுள்ளார். இதில் அமைச்சர் பாஸ்கரன், அதிமுக மாவட்ட செயலாளர் செந்தில்நாதன், அதிமுக நிர்வாகிகள், அதிமுக உள்ளாட்சி பிரதிநிதிகள் பெயர்கள் அதிமுக கொடி கலரிலேயே உள்ளன. இந்த போஸ்டரில் அதிமுக மாவட்ட செயலாளர் செந்தில்நாதனுக்கு அடுத்தபடியாக சிவகங்கை கலெக்டர் ஜெயகாந்தனின் பெயர், அதிமுக கொடி கலரிலேயே இடம் பெற்றுள்ளது.