ஊட்டி:ஊட்டி தாவரவியல் பூங்காவில் உள்ளது அரிய வகை மேபிள் மரம். இதன் இலையே கனடா நாட்டின் தேசிய கொடியில் இடம் பெற்றுள்ளது. மேபிள் மரம் ஆசியாவை பிறப்படமாக கொண்ட மரமாக உள்ளது. எனினும், ஐரோப்பியாலும் வட ஆப்பிரிக்கா, வட அமெரிக்கா போன்ற பகுதிகளிலும் காணப்படுகிறது. இந்த வகை மரங்களில் வளரும் இலைகள் பல வண்ணங்களில் காணப்படும். 128 வகை கொண்ட இந்த மரங்களில் வளரும் இலைகள் இளஞ்சிவப்பு, பச்சை, பழுப்பு, மஞ்சள் உள்ளிட்ட நிறங்களில் காணப்படும். இந்த மரத்தின் இலைகள் கனடா நாட்டு கொடியில் இடம் பெற்றுள்ள சின்னமாகும். இந்த வகை மரங்கள் இந்தியாவில் மிக அரிதாகவே காணப்படுகிறது. குளிர் பிரதேசங்களில் மட்டுமே காணப்படும் இந்த வகை மரங்கள் ஊட்டி அரசு தாவரவியல் பூங்கா, குன்னூர் சிம்ஸ் பூங்காவில் உள்ளன.