சென்னை: இந்தி மொழியை திணிப்போம் என்ற பாஜ தலைவர்களில் ஒருவரான இல .கணேசனின் பேச்சுக்கு நாங்குநேரி மற்றும் விக்கிரவாண்டி தொகுதி மக்கள் தக்க பாடம் புகட்டுவார்கள் என்று காங்கிரஸ் செய்தி தொடர்பாளர் கோபண்ணா கூறியுள்ளார்.
சென்னை கொளத்தூர் அகரம் சந்திப்பில் உள்ள காமராஜர் சிலையில் இருந்து பெரம்பூர் பேப்பர் மில்ஸ் சாலையில் உள்ள காந்தியடிகள் சிலை வரை சென்னை மேற்கு மாவட்ட காங்கிரஸ் சார்பில் அமைதி ஊர்வலம் நடைபெற்றது. தமிழ்நாடு காங்கிரஸ் கமிட்டி செய்தி தொடர்பாளர் கோபண்ணா இந்த அமைதி ஊர்வலத்தை துவக்கி வைத்தார். அமைதி ஊர்வலத்திற்கு பிறகு கோபண்ணா செய்தியாளரிடம் பேசியது: ராமதாசும் அன்புமணியும் இந்த நேரத்தில் எதற்காக பிரதமரை சந்தித்தார்கள் என்பது தெரியவில்லை. எங்களை பொறுத்தவரை நாங்குநேரி தொகுதியில் வெற்றி வாய்ப்பு பிரகாசமாக உள்ளது.