இந்திய கிரிக்கெட் வீரர் ஹர்திக் பாண்டியாவுக்கு முதுகுப்பகுதியில் காயம் ஏற்பட்டுள்ளதால் அவர் ஐந்து மாதங்கள் விளையாட முடியாத நிலை ஏற்பட்டுள்ளது. இந்திய அணியின் முன்னணி வேகப்பந்து வீச்சாளர் மற்றும் ஆல்-ரவுண்டரான ஹர்திக் பாண்டியாவுக்கு கடந்த மாதம் துபாயில் நடந்த ஆசிய கோப்பை தொடரின் போது முதுகு பகுதியில் காயம் ஏற்பட்டது. அதன் பின்னர் தற்காலிக சிகிச்சை மேற்கொண்டு அணிக்கு திரும்பினார். இருந்த போதிலும், முதுகுவலியால் தொடர்ந்து அவதியுற்று வருகிறார். இதனால், தென்னாப்பிரிக்கா தொடரில் இருந்து அவர் விலகியுள்ளார்.