தேவகோட்டை: தேவகோட்டையில் ஆக்கிரமிப்பு அகற்றம் தொடர்பான பிரச்னையில், காவல்நிலையம் அருகே தலையாரி வெட்டிக் கொல்லப்பட்டார். சிவகங்கை மாவட்டம், தேவகோட்டை அருகே திருவேகம்பத்தூரை சேர்ந்தவர் ராதாகிருஷ்ணன் (45). அப்பகுதியில் தலையாரியாக பணியாற்றி வந்தார். திருமணமாகி 2 மகள்கள் உள்ளனர். திருவேகம்பத்தூரில் நேற்று காலை வருவாய்த்துறை சார்பில் ஆக்கிரமிப்புகள் அகற்றப்பட்டன. இதில் அதே பகுதியை சேர்ந்த கணேசன் என்பவரது வீடும் இடிக்கப்பட்டது. இதற்கு தலையாரி ராதாகிருஷ்ணன்தான் காரணம் என கணேசன் ஆத்திரமடைந்தார். நேற்று மாலை திருவேகம்பத்தூர் காவல்நிலையம் அருகே ராதாகிருஷ்ணன் நின்று கொண்டிருந்தார்.