ஷாஜகான்பூர்: உத்தரப் பிரதேசம் ஷாஜகான்பூரைச் சேர்ந்த முதுநிலை பட்டப்படிப்பு படித்து வந்த மாணவி ஒருவர் கடந்த மாதம் 23ம் தேதி அன்று சமூக இணையளத்தில் ஒரு வீடியோ ஒன்று வெளியிட்டார். அதில் தான் படித்த கல்லூரியை நடத்தி வந்த முன்னாள் மத்திய அமைச்சரும், பாஜ மூத்த தலைவருமான சின்மயானந்த்(72) தன்னை பாலியியல் ரீதியாக தொந்தரவு செய்கிறார் என்றும் கொன்றுவிடுவதாக மிரட்டுவதாகவும் புகார் கூறினார். மறுநாள் இவர் மாயமானார். இதுகுறித்து அந்த மாணவியின் தந்தை போலீசில் புகார் அளித்தார். இந்நிலையில் காணாமல்போன அந்த மாணவி ராஜஸ்தானில் கண்டுபிடிக்கப்பட்டார்.