துபாய்: டெஸ்ட் போட்டிகளுக்கான பேட்டிங் தரவரிசையில், ஆஸ்திரேலிய வீரர் ஸ்டீவ் ஸ்மித் 2வது இடத்துக்கு முன்னேறி உள்ளார். பந்தை சேதப்படுத்திய சர்ச்சையில் சிக்கியதால் ஓராண்டு தடை விதிக்கப்பட்ட ஸ்மித், தண்டனை காலம் முடிந்து மீண்டும் களமிறங்கி விளையாடி வருகிறார். இங்கிலாந்து அணியுடன் பர்மிங்காமில் நடந்த முதல் டெஸ்டின் 2 இன்னிங்சிலும் சதம் விளாசிய அவர் (144, 142), லார்ட்ஸ் மைதானத்தில் நடந்த 2வது டெஸ்டில் 92 ரன் அடித்து அசத்தினார். ஆர்ச்சரின் பவுன்சர் தாக்குதலில் காயம் அடைந்த நிலையில், அதை பொருட்படுத்தாமல் விளையாடி தனது மன உறுதியை வெளிப்படுத்தினார்.