சென்னை: விசிக தலைவர் திருமாவளவன் தன்னுடைய 57வது பிறந்தநாளை முன்னிட்டு திமுக தலைவர் மு.க.ஸ்டாலினை நேரில் சந்தித்து வாழ்த்து பெற்றார். விசிக தலைவர் திருமாவளவன் தன்னுடைய 57வது பிறந்தநாளை முன்னிட்டு சென்னை அண்ணா அறிவாலயத்தில் திமுக தலைவர் மு.க.ஸ்டாலினை நேற்று காலை நேரில் சந்தித்து வாழ்த்து பெற்றார். பின்னர், திருமாவளவன் நிருபர்களுக்கு அளித்த பேட்டி:ஒவ்வொரு வருடமும் என்னுடைய பிறந்த நாளன்று தலைவர் கருணாநிதியை சந்தித்து வாழ்த்து பெறுவது வழக்கம். தற்போது அவர் நம்முடன் இல்லாததால் திமுக தலைவர் மு.க.ஸ்டாலினை நேரில் சந்தித்து வாழ்த்து பெற்றேன். இதில் மிக்க மகிழ்ச்சி அடைகிறேன். கலைஞர் இடத்தை மு.க.ஸ்டாலின் நிரப்பியுள்ளார். ஆகஸ்ட் மாதம் முழுவதும் பனை விதைகளை விதைப்பது என்கிற திட்டத்தை செயல்படுத்த உள்ளோம். ஜாதிகளை அடையாளப்படுத்தும் விதமாக பள்ளி மாணவர்கள் கயிறுகளை கட்ட கூடாது என்ற அறிவிப்பை விசிக வரவேற்கிறது. மாணவர்கள் சாதி என்ற சாயம் இல்லாமல் சுதந்திரமாக படிக்க வேண்டும்.