மும்பை: ஆசியாவிலேயே மிகப்பெரிய குண்டு பெண்ணான மகாராஷ்டிராவின் பால்கர் மாவட்டம் வசாயை சேர்ந்த அமிதா ரஜனி (42), 300 கிலோவுக்கும் மேல் எடை கொண்டவராக இருந்தார். மும்பை மருத்துவமனையில் அளிக்கப்பட்ட சிகிச்சையை தொடர்ந்து அவருடைய எடை கடந்த நான்கு ஆண்டுகளில் 214 கிலோ குறைந்துள்ளது. அமிதாவுக்கு சிகிச்சை அளித்து வரும் உடல் எடை குறைப்பு மருத்துவ நிபுணர் டாக்டர் சஷாங் ஷா இதை அறிவித்தார். அமிதாவுக்கு அவருடைய 6 வயதிலேயே, உடல் எடை அதிகரிக்கும் பிரச்னை தொடங்கியது. 3 கிலோ எடையுடன் நல்ல ஆரோக்கியமாக பிறந்த அமிதாவுக்கு திடீரென உடல் எடை அதிகரிக்கத் தொடங்கியது. அவருக்கு 16 வயது ஆன போது 126 கிலோ எடையுடன் இருந்தார். எந்தவொரு நடவடிக்கையிலும் எளிதில் ஈடுபட முடியவில்லை.