சென்னை: அதிமுக உடன் பேச்சுவார்த்தை நடத்துவதாக வெளிவந்த செய்திக்கு தமாகா மறுப்பு தெரிவித்துள்ள நிலையில், ஜி.கே.வாசன் திமுகவுடன் கூட்டணி குறித்து பேச்சுவார்த்தை நடத்தி வருவதாக தகவல்கள் வெளியாகியுள்ளன. நேற்று காலை தமாகாவின் முன்னாள் எம்எல்ஏ விடியல் சேகர், தனிப்பட்ட விஷயத்துக்காக அமைச்சர் தங்கமணியை அவரது வீட்டில் சந்திக்க சென்றார். இதனால் தமாகா சார்பில் அதிமுகவுடன் கூட்டணி பேச்சுவார்த்தைக்காக அவர் அனுப்பி வைக்கப்பட்டதாக தகவல்கள் வெளியானது. இதனால் ஜி.கே.வாசன் மற்றும் முக்கிய நிர்வாகிகள் விடியல் சேகரை கண்டித்தனர். இதையடுத்து, உடனடியாக தமாகா சார்பில் மறுப்பு அறிக்கை வெளியிடப்பட்டது.