ஊட்டி: நீலகிரி மாவட்ட வனப்பகுதிகளில் யானை, கரடி, சிறுத்தை, புலி மற்றும் காட்டெருமை உள்ளிட்ட அனைத்து விலங்குகளின் எண்ணிக்கை பல மடங்கு உயர்ந்துள்ளது. குறிப்பாக, காட்டெருமைகளின் எண்ணிக்கை கணிசமாக அதிகரித்துள்ளது.விவசாய நிலங்கள், தேயிலை தோட்டங்கள் மற்றும் சாலையோரங்களில் கூட்டம் கூட்டமாக வலம் வரும் இந்த காட்டெருமைகள் தற்போது குடியிருப்பு பகுதிகளிலும் வரத்துவங்கியுள்ளன. உணவு மற்றும் தண்ணீர் தேடி வரும் இந்த காட்டெருமை கூட்டங்கள் வளர்ப்பு கால்நடைகள் போல் வலம் வர துவங்கிவிட்டன.