நெல்லூர்: ஆந்திர மாநிலம் நெல்லூரில் வியாபாரியை மர்ம நபர்கள் துப்பாக்கியால் சுட்டு கொன்றது அதிர்ச்சியை ஏற்படுத்தியுள்ளது. நெல்லூரில் காமல் பவர் டூல் என்ற பெயரில் கடை வைத்து வியாபாரம் செய்து வந்தவர் மகேந்திர சிங். இவர் நேற்று இரவு வழக்கம் போல கடையை பூட்டி விட்டு பைக்கில் வீட்டிற்கு சென்ற போது தாக்குதலுக்கு ஆளாகியுள்ளார். பட்டேகான் பேட்டை என்ற இடத்தில் மர்ம நபர்கள் துப்பாக்கியால் சுட்டதில் மகேந்திர சிங் கீழே விழுந்து துடித்துள்ளார். இதனை அறிந்த போலீசார் அவரை மீட்டு நீல்லூர் அரசு மருத்துவமனையில் சேர்த்தனர். ஆனால் சிகிச்சை பலனின்றி மகேந்திர சிங் இன்று அதிகாலையில் உயிரிழந்தார்.