சென்னை: ஜினிமா மீடியா அண்ட் எண்டர்டெயின்மெண்ட் சார்பில் தினேஷ் ராஜ் தயாரிக்க, மகேஷ் ராஜேந்திரன் எழுதி இயக்கியுள்ள படம், ‘லவ் ஓ லவ்’. பி.ஜி.முத்தையா ஒளிப்பதிவு செய்ய, பாக்ஸ்ன் (Wayne Pavey, Pradeep PJ) இணைந்து இசை அமைத்துள்ளனர். என்.பி.ஸ்ரீகாந்த் எடிட்டிங் செய்துள்ளார். அபிஷேக் சீனிவாஸ் அரங்கம் அமைத்துள்ளார். பவிஷ், நாகதுர்கா, செல்வராகவன், கே.எஸ்.ரவிகுமார், வனிதா விஜயகுமார் நடித்துள்ளனர்.

வரும் ஜூலை 10ம் தேதி படம் திரைக்கு வருகிறது. இப்படம் குறித்து பவிஷ் கூறுகையில், ‘எந்த மேடையாக இருந்தாலும், நான் எங்கு சென்றாலும், என்ன செய்தாலும், முதலில் தனுஷ் சாருக்கே நன்றி சொல்வேன். தனஞ்செயன் மற்றும் தினேஷ் சாருக்கு நன்றி. மகேஷ் ராஜேந்திரன் கதை சொல்வதில் சிறந்தவர். தெலுங்கு யூடியூப் பிரபலம் நாகதுர்கா, பயிற்சி இல்லாமல், பார்த்தவுடன் அதை அப்படியே மனதில் பதித்து நடனமாடி அசத்தினார்’ என்றார்.