சுந்தர்.சி உதவியாளர் கதிர்வேலு இயக்கத்தில் சசிகுமார் நடித்துள்ள படம், ‘ராஜவம்சம்’. டிடி.ராஜா தயாரித்துள்ள இப்படத்தில் 49 நடிகர்கள் இணைந்து நடித்துள்ளனர். சித்தார்த் ஒளிப்பதிவு செய்ய, சாம் சி.எஸ் இசை அமைத்துள்ளார். இதில் நடித்துள்ள நிக்கி கல்ராணி கூறுகையில், ‘நான் கூட்டுக்குடும்பத்தில் வாழும் பாக்கியம் கிடைக்கவில்லை. அதை நினைத்து வருத்தப்படுகிறேன். ஆனால், இப்படத்தில் நடித்ததன் மூலம் நிஜமாகவே ஒரு மிகப்பெரிய வீட்டில் கூட்டுக்குடும்பமாக வாழ்ந்த திருப்தி கிடைத்துள்ளது.