லண்டன்: நியூசிலாந்துக்கு எதிராக லார்ட்ஸ் மைதானத்தில் நடந்த முதல் டெஸ்ட் போட்டியில் இங்கிலாந்து அணி 5 விக்கெட் வித்தியாசத்தில் அபார வெற்றி பெற்றது. இதில் 2வது இன்னிங்சில் இங்கிலாந்து மாஜி கேப்டன் ஜோ ரூட் நாட்அவுட்டாக 115 ரன் விளசினார். மேலும் டெஸ்ட் கிரிக்கெட்டில் 10 ஆயிரம் ரன்னை கடந்த 2வது இங்கிலாந்து வீரர் என்ற சாதனையை படைத்தார். ஆட்டநாயகன் விருது பெற்ற அவர் கூறியதாவது: நீண்ட நாட்களுக்குப் பிறகு டெஸ்ட் போட்டியை நாங்கள் வென்றது எல்லாவற்றையும் விட அற்புதமாக உணர்கிறேன். மிகவும் சுவாரஸ்யமாக இருந்தது. முன்னேறுவதற்கான ஒரு வழியாக இதைப் பயன்படுத்தலாம் என்று நம்புகிறோம். பென் மற்றும் பிரெண்டனின் கீழ் வலுவாக தொடங்குவது மிகவும் நல்லது, எனது தலைமையில் பென் ஸ்டோக்ஸ் பலமுறை டெஸ்டில் வெற்றியை தேடித்தந்துள்ளார். அவருக்கு திருப்பிக் கொடுக்க இது எனக்கு ஒரு சிறந்த வாய்ப்பு. எனக்கு பேட்டிங் பிடிக்கும். என்னால் முடிந்த அளவு ரன்களை குவித்து வெற்றி பெற வேண்டும். அதைச் செய்வதற்கான ஆற்றலும் உத்வேகமும் எனக்கு இருக்கும் வரை, நான் அதைச் செய்வேன். நான் அவருக்காக கொஞ்சம் தோள் கொடுக்க ஏதேனும் வழி இருந்தால், அவர் எனக்காகச் செய்ததைப் போலவே அவருக்கு செய்வேன் என்பதை உறுதிப்படுத்திக் கொள்ள விரும்புகிறேன். கேப்டன்சி நெருக்கடி உண்மையில் எனது உடல்நிலை மோசமாக பாதித்தது. மைதானத்தில் மட்டுமின்றி வீட்டிலும் அது தொடர்ந்தது. அந்த நெருக்கடி எனது குடும்பத்தையும் பாதித்தது. அதனால் நான் பதவியை தூக்கி எறிந்தேன். இது என் வாழ்க்கையில் ஒரு புதிய கட்டத்திற்கான நேரம். நான் மிகவும் ஆவலுடன் காத்திருக்கிறேன், எனது சிறந்த தோழர்களில் ஒருவர் இப்போது இந்த அணியை முன்னோக்கி அழைத்துச் சென்று அவர் வைத்திருக்கும் வழியில் தொடங்குவதைப் பார்க்கிறேன், என்றார்….

The post கேப்டன் நெருக்கடி எனது உடல் நிலையை பாதித்தது; ஜோ ரூட் பேட்டி appeared first on Dinakaran.