ஊத்துக்கோட்டை, ஏப்.5: பூண்டி வடக்கு ஒன்றிய திமுக சார்பில் நடந்த பொதுக்கூட்ட நிகழ்ச்சியில் 1500 பெண்களுக்கு நலத்திட்ட உதவிகளை டி.ஜெ.கோவிந்தராஜன் எம்எல்ஏ வழங்கினார். பூண்டி வடக்கு ஒன்றிய திமுக சார்பில், முதல்வர் மு.க.ஸ்டாலின் பிறந்த நாள் விழா பொதுக்கூட்டம் மற்றும் நலத்திட்ட உதவிகள் வழங்கும் விழா ஊத்துக்கோட்டை அருகே சீத்தஞ்சேரியில் நேற்று முன்தினம் நடந்தது. திருவள்ளூர் கிழக்கு மாவட்ட செயலாளர் எம்எஸ்கே.ரமேஷ்ராஜ் தலைமை தாங்கினார். மாவட்ட தலைவர் பகலவன், தலைமை செயற்குழு உறுப்பினர் மூர்த்தி, மாவட்ட பொருளாளர் ரமேஷ், ராமமூர்த்தி மாவட்ட, மாநில நிர்வாகிகள் ஆகியோர் முன்னிலை வகித்தனர்.

பூண்டி கிழக்கு மற்றும் வடக்கு ஒன்றிய செயலாளர்கள் பொன்னுசாமி, டி.கே.சந்திரசேகர், ஒன்றிய நிர்வாகிகள் ராகவன், வேல்முருகன், குருமூர்த்தி, ஸ்ரீதேவி, நாகபூஷணம் சீனிவாசலு, ரகு ஆகியோர் வரவேற்றனர். இதில், சிறப்பு அழைப்பாளர்களாக கும்மிடிப்பூண்டி எம்எல்ஏ டி.ஜெ.கோவிந்தராஜன், தலைமை கழக பேச்சாளர்கள் ஆரணி மாலா, தமிழ் சாதிக், முன்னாள் எம்எல்ஏ சி.எச்.சேகர், பாஸ்கர் சுந்தரம், அன்புவாணன் ஆகியோர் கலந்துகொண்டு சிறப்புரையாற்றினர். தொடர்ந்து, 1500 பெண்களுக்கு சேலை உள்ளிட்ட நலத்திட்ட உதவிகளை வழங்கினர். இதில், ஒன்றிய பேரூர் செயலாளர்கள் மணிபாலன், சக்திவேல், அபிராமி குமரவேல் உட்பட பலர் கலந்துகொண்டனர்.

The post பூண்டி வடக்கு ஒன்றிய திமுக சார்பில் 1500 பெண்களுக்கு நலத்திட்ட உதவிகள்: டி.ஜெ.கோவிந்தராஜன் எம்எல்ஏ வழங்கினார் appeared first on Dinakaran.