சென்னை: தங்கம் விலை மாத தொடக்க நாளான நேற்று அதிரடியாக உயர்ந்து பவுன் ரூ.68 ஆயிரத்தை கடந்து புதிய உச்சத்தை தொட்டது. தங்கம் விலை கடந்த மாதம் தொடக்கத்தில் அதிரடியாக உயர்ந்து வருகிறது. தங்கம் விலை நேற்று மேலும் அதிரடியாக உயர்வை சந்தித்தது. அதாவது, மாதத்தின் தொடக்க நாளான நேற்று தங்கம் விலை கிராமுக்கு ரூ.60 உயர்ந்து ஒரு கிராம் ரூ.8,510க்கும், பவுனுக்கு ரூ.480 உயர்ந்து, ஒரு பவுன் ரூ.68,080க்கும் விற்பனையானது.

தங்கத்தைப் போலவே வெள்ளி விலையும் உயர்ந்தது. வெள்ளி விலை கிராமுக்கு ஒரு ரூபாய் உயர்ந்து ஒரு கிராம் வெள்ளி 114 ரூபாய்க்கும், கிலோவுக்கு ஆயிரம் ரூபாய் உயர்ந்து பார் வெள்ளி ரூ.1,14,000-க்கும் விற்பனை செய்யப்பட்டது. அதே நேரத்தில் தங்கம் விலை கடந்த 3 மாதங்களில் மட்டும் பவுனுக்கு ரூ.10 ஆயிரம் வரை அதிகரித்துள்ளது குறிப்பிடத்தக்கது. தங்கம் விலை வரலாறு காணாத உச்சத்தை தொட்டு வருவது நகை பிரியர்களிடையே கடும் அதிர்ச்சியை ஏற்படுத்தியுள்ளது.

The post மாத தொடக்க நாளில் அதிரடி உயர்வு; தங்கம் விலை பவுன் ரூ.68,000ஐ கடந்து புதிய உச்சம்: நகை வாங்குவோர் கடும் அதிர்ச்சி appeared first on Dinakaran.