நாமக்கல், மார்ச் 27: நாமக்கல் கூட்டுறவு சங்கத்தில் ₹92 லட்சத்திற்கு பருத்தி ஏலம் நடைபெற்றது. நாமக்கல் வேளாண்மை உற்பத்தியாளர்கள் கூட்டுறவு விற்பனை சங்கத்தில் பருத்தி ஏலம் நேற்று நடைபெற்றது. நாமக்கல், சேந்தமங்கலம், எருமப்பட்டி, பவித்திரம், வளையப்பட்டி, மோகனூர், காட்டுப்புத்தூர் ஆகிய பகுதிகளை சேர்ந்த விவசாயிகள் 3900 மூட்டை பருத்தியை ஏலத்திற்கு கொண்டு வந்தனர்.

பல மாவட்டத்தை சேர்ந்த வியாபாரிகள் ஏலத்தில் கலந்துகொண்டு பருத்தியை கொள்முதல் செய்தனர். கூட்டுறவு சங்க அலுவலர்கள் விவசாயிகள் முன்னிலையில் ஏலம் நடத்தினர். ஆர்சிஎச் ரக பருத்தி குவிண்டால் ₹7991 வரையும், சுரபி ரகம் ₹9200 வரையும், மட்ட ரகம் ₹4989 வரை ஏலம் போனது. மொத்தமாக 3900 மூட்டை பருத்தி ₹92 லட்சத்திற்கு ஏலம் போனது.

The post ₹92 லட்சத்திற்கு பருத்தி ஏலம் appeared first on Dinakaran.