சென்னை: தங்கம் விலை நேற்று சவரனுக்கு ₹240 உயர்ந்து ஒரு சவரன் ₹57,400க்கும் விற்கப்பட்டது. தங்கம் விலை கடந்த ஆண்டு அக்டோபர் 31ம் தேதி ஒரு பவுன் ₹59,640க்கு விற்பனையானது. இது தங்கம் வரலாற்றில் அதிகப்பட்ச விலையாகும். அதன் பிறகு தொடர்ந்து தங்கம் விலை ஏறுவதும், இறங்குவதுமாக இருந்து வந்தது. இது கடந்த டிசம்பர் மாதமும் நீடித்தது. இதற்கிடையில் ஆண்டின் இறுதி நாளான கடந்த 31ம் தேதி தங்கம் விலை அதிரடியாக குறைவை சந்தித்தது. அன்றைய தினம் தங்கம் விலை சவரனுக்கு ₹320 குறைந்து ஒரு சவரன் ₹56,820க்கும் விற்கப்பட்டது.

இந்நிலையில், புத்தாண்டின் 2வது நாளான நேற்றும் தங்கம் விலை மேலும் உயர்ந்து அதிர்ச்சி வைத்தியம் படைத்தது. அதாவது, நேற்று தங்கம் விலை கிராமுக்கு ₹30 உயர்ந்து ஒரு கிராம் ₹7,180க்கும், சவரனுக்கு ₹240 உயர்ந்து ஒரு சவரன் ₹₹57,400க்கும் விற்கப்பட்டது. இதன் மூலம் தங்கம் விலை தொடர்ச்சியாக 2 நாட்களில் மட்டும் சவரனுக்கு ₹560 உயர்ந்துள்ளது. வெள்ளி விலை நேற்று எந்தவித மாற்றமுமின்றி ஒரு கிராம் ₹98க்கும், ஒரு கிலோ கட்டி வெள்ளி ₹98,000க்கும் விற்பனையானது.

The post தங்கம் விலை சவரன் ₹240 அதிகரிப்பு appeared first on Dinakaran.