திருக்கழுக்குன்றம்: திருக்கழுக்குன்றத்தில் போதையில் தகராறில் ஈடுபட்ட வழக்கறிஞரை தாக்கிய, அவரது நண்பர்கள் 3 பேரை, போலீசார் கைது செய்தனர். திருப்போரூர் அடுத்து மானாமதி பகுதியை சேர்ந்தவர் வெங்கடேசன் (32). வழக்கறிஞரான இவர், தனது நண்பர்களான அருங்குன்றத்தை சேர்ந்தவர்கள் சேகர் (28), சண்முகம் (40), திருக்கழுக்குன்றத்தை சேர்ந்த மற்றொரு சேகர் (30) ஆகியோருடன், நேற்று முன்தினம் இரவு திருக்கழுக்குன்றத்தில் உள்ள ஒரு டாஸ்மாக் கடைக்கு சென்று மது பாட்டில்கள் வாங்கி, மது அருந்திக்கொண்டிருந்தனர்.
அப்போது, போதை தலைக்கேறிய வழக்கறிஞர் வெங்கடேசன், அங்கிருந்தவர்களிடம் தகராறு செய்ததாகவும், நண்பர்கள் 3 பேரும் மடக்கிப் பார்த்தும் கட்டுப்படாததால், இவர்கள் வழக்கறிஞர் வெங்கடேசனை தாக்கியுள்ளனர். இதில் வழக்கறிஞர் வெங்கடேசனுக்கு மூக்கு உள்ளிட்ட பல்வேறு இடங்களில் காயம் ஏற்பட்டு ரத்தம் கொட்டியது. தகவலறிந்ததும், சம்பவ இடத்திற்கு சென்ற திருக்கழுக்குன்றம் போலீசார், காயமடைந்த வழக்கறிஞர் வெங்கடேசனை சிகிச்சைக்காக செங்கல்பட்டு அரசு மருத்துவமனைக்கு அனுப்பி வைத்தனர். மேலும், வழக்குப்பதிவு செய்த போலீசார், வழக்கறிஞரை தாக்கிய, அவரது நண்பர்கள் 3 பேரையும் கைது செய்து விசாரணை நடத்தி வருகின்றனர்.
The post திருக்கழுக்குன்றத்தில் வழக்கறிஞரை தாக்கிய 3 நண்பர்கள் கைது appeared first on Dinakaran.
