கேரள: மகரவிளக்கு பூஜைகளுக்காக சபரிமலை ஐயப்பன் கோயில் நடை இன்று மாலை திறக்கப்படுகிறது. சபரிமலை கோயிலில் நாளை மறுநாள் முதல் மகரவிளக்கு கால பூஜைகள் தொடங்குகின்றன. ஜன.14ம் தேதி மகரவிளக்கு பூஜையும் மகரஜோதி தரிசனமும் நடைபெறுகிறது.சபரிமலை மகரவிளக்கு மஹோத்ஸவத்திற்காக சபரிமலை ஸ்ரீ தர்ம சாஸ்தா கோவில் நடை டிசம்பர் 30ம் தேதி திங்கள்கிழமை மாலை 4 மணிக்கு திறக்கப்படுகிறது. தந்திரி கண்டரர் ராஜீவ் முன்னிலையில் மேல்சாந்தி எஸ். அருண் குமார் நம்பூதிரி திறக்கவுள்ளார்.

மேல்சாந்தி சன்னிதானத்தின் ஆழத்தில் தீ மூட்டி பக்தர்கள் 18வது படியை தரிசிக்கலாம். மண்டல பூஜைகளுக்குப் பிறகு, டிசம்பர் 26ம் தேதி இரவு 10 மணிக்கு ஹரிவராசனம் பாடப்பட்டு நடை அடைக்கப்பட்டது. நான்கு நாட்களுக்கு பிறகு சன்னிதானத்தின் நடை மகரவிளக்கு பூஜைக்காக இன்று மாலை திறக்கப்பட உள்ளது. கடந்த நான்கு நாட்களாக சுத்தம் செய்யும் பணியில் தேவசம்போர்டு அதிகாரிகள் தலைமையில் பல்வேறு துறை சார்ந்த அதிகாரிகள் ஈடுபட்டிருந்தனர். தற்போது மகரவிளக்கு விழாவிற்கு வரும் பக்தர்களை வரவேற்க சன்னிதானம் தயார் நிலையில் உள்ளது.

 

The post மகரவிளக்கு பூஜைகளுக்காக சபரிமலை ஐயப்பன் கோயில் நடை இன்று மாலை திறப்பு! appeared first on Dinakaran.