பரபரப்பாக நடைபெற்ற இந்த போட்டியில் தென் ஆப்பிரிக்கா அணி 2 விக்கெட் வித்தியாசத்தில் திரில் வெற்றி பெற்றது. இந்த வெற்றியின் மூலம் தென் ஆப்பிரிக்க அணி உலக டெஸ்ட் சாம்பியன்ஷிப் இறுதிப்போட்டிக்கு முன்னேறியுள்ளது.பாகிஸ்தானுக்கு எதிரான டெஸ்டில் தென் ஆப்பிரிக்கா வெற்றி பெற்றதை அடுத்து உலக டெஸ்ட் சாம்பியன்ஷிப் புள்ளிப்பட்டியலை ஐசிசி வெளியிட்டுள்ளது.
இந்த பட்டியலில் தென் ஆப்பிரிக்கா (66.67 சதவீதம்), ஆஸ்திரேலியா (58.89 சதவீதம்), இந்தியா (55.88 சதவீதம்), நியூசிலாந்து (48.21 சதவீதம்), இலங்கை (45.45 சதவீதம்), இங்கிலாந்து (43.18 சதவீதம்) அணிகள் முதல் 6 இடங்களில் உள்ளன.
தென் ஆப்பிரிக்காவுக்கு எதிரான தோல்வியை அடுத்து 7வது இடத்தில் இருந்த பாகிஸ்தான் (30.30 சதவீதம்) 8வது இடத்திற்கு சரிந்தது. 8வது இடத்தில் இருந்த வங்காளதேசம் (31.25 சதவீதம்) 7வது இடத்திற்கு முன்னேறியது. 9வது இடத்தில் வெஸ்ட் இண்டீஸ் (24.24 சதவீதம்) உள்ளது. உலக டெஸ்ட் சாம்பியன்ஷிப் இறுதிப்போட்டிக்கு தென் ஆப்பிரிக்க அணி முன்னேறியுள்ளதால் இந்திய அணியின் உலக டெஸ்ட் சாம்பியன்ஷிப் கனவு கேள்விக்குறியாகியுள்ளது.
The post உலக டெஸ்ட் சாம்பியன்ஷிப் இறுதிப்போட்டிக்கு முன்னேறியது தென் ஆப்பிரிக்க அணி! appeared first on Dinakaran.