செயின்ட்கிட்ஸ்: வங்கதேச கிரிக்கெட் அணி வெஸ்ட்இண்டீசில் சுற்றுப்பயணம் மேற்கொண்டு விளையாடி வருகிறது. இதில் 2 போட்டி கொண்ட டெஸ்ட் தொடர் 1-1 என சமனில் முடிந்த நிலையில் 3 போட்டி கொண்ட ஒருநாள் தொடரில் முதல் போட்டியில் வெஸ்ட் இண்டீசில் வெற்றிபெற்றது. 2வது போட்டி நேற்றிரவு நடந்தது. டாஸ் வென்ற வெஸ்ட்இண்டீஸ் பந்துவீச்சை தேர்வு செய்ய முதலில் பேட் செய்த வங்கதேசம் 45.5 ஓவரில் 227 ரன்னுக்கு ஆல்அவுட் ஆனது. அதிகபட்சமாக மகமதுல்லா 62, தன்சித் ஹசன்46, தன்சிம் ஹசன் சாகிப்42ரன் அடித்தனர்.

வெஸ்ட்இண்டீஸ் பவுலிங்கில் ஜெய்டன் சீல்ஸ் 4, குடாகேஷ் மோதி 2 விக்கெட் வீழ்த்தினர். பின்னர் களம் இறங்கிய வெஸ்ட்இண்டீஸ் அணியில் தொடக்க வீரர்கள் பிராண்டன் கிங் 82 (76பந்து, 8 பவுண்டரி, 3 சிக்சர்), எவின் லூயிஸ் 49ரன் அடித்தனர். பின்னர் வந்த கீசி கார்டி 47 பந்தில் 44ரன் அடித்தார். 36.5 ஓவரில் 3 விக்கெட் இழப்பிற்கு 230 ரன் எடுத்த வெஸ்ட் இண்டீஸ் 7 விக்கெட் வித்தியாசத்தில் வெற்றி பெற்றது. மேலும் 2-0 என தொடரையும் கைப்பற்றியது. ஜெய்டன் சீல்ஸ் ஆட்டநாயகன் விருது பெற்றார். 3வது மற்றும் கடைசி போட்டி நாளை நடக்கிறது.

The post வங்கதேசத்திற்கு எதிரான 2வது ஒரு நாள் போட்டியிலும் வெஸ்ட் இண்டீஸ் வெற்றி: தொடரையும் கைப்பற்றியது appeared first on Dinakaran.