கூடலூர், டிச.6: கூடலூர் தாலுகா தேவர் சோலை பேரூராட்சிக்கு உட்பட்ட செம்பக்கொல்லி பகுதியை சேர்ந்தவர் கேத்தி (55). இவர் நேற்று மதியம் 2 மணியளவில் மண் வயல் பஜாருக்கு வந்து பொருட்கள் வாங்கிக் கொண்டு போஸ்பாரா வழியாக வீட்டுக்கு திரும்பிச் சென்று கொண்டிருந்தார். அப்போது அப்பகுதியில் மறைந்திருந்த காட்டு யானை ஒன்று திடீரென கேத்தியை தாக்தியுள்ளது.

இவரது சத்தம் கேட்டு ஓடி வந்து காட்டு யானையை விரட்டி காயமடைந்த மூதாட்டி கேத்தியை கூடலூர் அரசு மருத்துவமனையில் சிகிச்சைக்காக சேர்த்தனர். அங்கு அவருக்கு முதல் உதவி சிகிச்சை அளிக்கப்பட்டு பின்பு மேல் சிகிச்சைக்காக ஊட்டி அரசு மருத்துவமனைக்கு கொண்டு செல்லப்பட்டார். சம்பவம் குறித்து கூடலூர் சரக வனத்துறையினர் விசாரணை நடத்தி வருகின்றனர்.

The post யானை தாக்கி மூதாட்டி காயம் appeared first on Dinakaran.