மீனம்பாக்கம்: வடகிழக்கு பருவமழை வேகம் எடுக்க தொடங்கியுள்ளது. இன்று காலையில் சென்னை மற்றும் புறநகர் பகுதிகளில் விட்டுவிட்டு பலத்த மழை பெய்து வருகிறது. இதனால் சென்னை விமான நிலையத்தில் விமான சேவைகள் பாதிக்கப்பட்டுள்ளன.

மதுரை, திருவனந்தபுரம், கோவை, ஐதராபாத், கொல்கத்தா ஆகிய இடங்களில் இருந்து சென்னைக்கு வந்த 5 விமானங்கள் தரையிறங்க முடியாமல், நீண்ட நேரமாக வானில் பறந்து கொண்டிருந்தது. இந்நிலையில் மழை சிறிது ஓயும்போது, ஓடுபாதையில் தேங்கிய தண்ணீர் அவசர அவசரமாக வெளியேற்றப்பட்டு விமானங்கள் தரை இறங்க அனுமதிக்கப்பட்டது.

அதைப்போல் சென்னையில் இருந்து ஐதராபாத், டெல்லி, செகந்திராபாத், மும்பை, லக்னோ உள்ளிட்ட இடங்களுக்கு செல்லும் 8 விமானங்கள் தாமதமாக புறப்பட்டு சென்றன. மழை காரணமாக, 7 வருகை விமானங்கள், 8 புறப்பாடு விமானங்கள் என 15 விமானங்கள் தாமதமாகின. மழையின் அளவு மேலும் அதிகரித்தால் விமானங்கள் தாமதமாவதற்கு வாய்ப்புகள் உள்ளதாக கூறப்படுகிறது.

The post சென்னையில் மழை காரணமாக வருகை, புறப்பாடு என 15 விமானங்கள் தாமதம் appeared first on Dinakaran.