சென்னை: சென்னையில் ஆபரண தங்கத்தின் விலை சவரனுக்கு ரூ.320 சரிந்து ரூ.56,360-க்கு விற்பனை செய்யப்படுகிறது. தங்கம் விலை கடந்த சில மாதங்களாக ஏற்றம் இறக்கத்துடன் காணப்பட்டு வந்தது. இந்நிலையில் கடந்த அக்டோபர் மாதம் அதிரடியாக உயர்ந்து, தினம், தினம் வரலாற்று உச்சத்தை கண்டது. இதையடுத்து கடந்த 31ம் தேதி தீபாவளியன்று ஒரு சவரன் ரூ.59,640க்கு விற்பனையானது. இது தங்கம் விலை வரலாற்றில் அதிகப்பட்ச விலையாகும். அதன் பிறகு தங்கம் விலை குறைய தொடங்கியது.

கடந்த 7ம் தேதி தங்கம் விலை சவரனுக்கு ரூ.1320 குறைந்து, ஒரு சவரன் ரூ.57,600க்கு விற்கப்பட்டது. தொடர் விலை உயர்வை சந்தித்து வந்த மக்களுக்கு, இந்த விலை குறைவு ஆறுதலை அளித்து இருந்தது. 8ம் தேதி தங்கம் விலை மீண்டும் உயர்ந்தது. அன்றைய தினம் தங்கம் விலை சவரனுக்கு ரூ.680 உயர்ந்து ஒரு சவரன் ரூ.58,280க்கும் விற்பனையானது. 9ம் தேதி தங்கம் விலை சவரனுக்கு ரூ.80 குறைந்து ஒரு சவரன் ரூ.58,200க்கும் விற்க்கப்பட்டது. 10ம் தேதி ஞாயிற்றுக்கிழமை என்பதால் தங்கம் மார்க்கெட்டுக்கு விடுமுறை ஆகும். அதனால், சனிக்கிழமை விலையே அன்றைய தினம் விற்பனையானது.

ஒரு நாள் விடுமுறைக்கு பிறகு நேற்று முன்தினம் தங்கம் மார்க்கெட் தொடங்கியது. அதில் தங்கம் விலை மேலும் அதிரடி சரிவை சந்தித்தது. அதாவது, நேற்று முன்தினம் தங்கம் விலை கிராமுக்கு ரூ.55 குறைந்து ஒரு கிராம் ரூ.7,220க்கும், சவரனுக்கு ரூ.440 குறைந்து ஒரு சவரன் ரூ.57,760க்கும் விற்கப்பட்டது. நேற்று தங்கம் விலை கிராமுக்கு ரூ.135 குறைந்து ஒரு கிராம் ரூ.7,085க்கும், சவரனுக்கு ரூ.1080 குறைந்து ஒரு சவரன் ரூ.56,680க்கும் விற்கப்பட்டது. இந்நிலையில் இன்றும் தங்கம் விலை குறைந்துள்ளது. சென்னையில் ஆபரண தங்கத்தின் விலை சவரனுக்கு ரூ.320 சரிந்து ரூ.56,360-க்கு விற்பனை செய்யப்படுகிறது.

ஒரு கிராம் தங்கத்தின் விலை ரூ .40 குறைந்து ரூ. 7,045-க்கு விற்பனை செய்யப்படுகிறது. சென்னையில் கடந்த 3 நாட்களில் தங்கம் விலை சவரனுக்கு ரூ.1,840 குறைந்துள்ளது. சென்னையில் சில்லறை வர்த்தகத்தில் ரூ.1 அதிகரித்து ஒரு கிராம் வெள்ளி ரூ.101-க்கு விற்பனை செய்யப்பட்டு வருகிறது. தங்கம் விலை அதிரடியாக குறைந்து வருவது நகை வாங்குவோருக்கு மகிழ்ச்சியை ஏற்படுத்தியுள்ளது. வரும் நாட்களில் திருமணம் உள்ளிட்ட விஷேச தினங்கள் அதிக அளவில் வருகிறது. இந்த நேரத்தில் தங்கம் விலை குறைந்து வருவது நகை வாங்க காத்திருப்பவர்களுக்கு இரட்டிப்பு மகிழ்ச்சியை ஏற்படுத்தியுள்ளது.

The post சென்னையில் 3 நாட்களில் தங்கம் விலை சவரனுக்கு ரூ.1,840 குறைவு: நகை வாங்குவோர் மகிழ்ச்சி appeared first on Dinakaran.