மதுரை, நவ. 12: மதுரை அருகே விபச்சாரம் நடத்திய ரிசார்ட் மேலாளர் உள்பட 3 பேரை போலீசார் கைது செய்தனர். அங்கு தங்கியிருந்த 12 பெண்கள் மீட்கப்பட்டனர். மதுரையை அடுத்த அப்பன் திருப்பதி அருகே நவீன முறையில் விபச்சாரம் நடத்தப்பட்டு வருவதாக ஊமச்சிகுளம் டிஎஸ்பி பாலசுந்தரத்திற்கு தகவல் கிடைத்தது. அவரது உத்தரவின் படி போலீசார் அப்பன் திருப்பதி பகுதிக்கு சென்றனர். அங்கே உள்ள ரிசார்ட்டில் ஆன்லைன் வாயிலாக வாடிக்கையாளர்களை தொடர்பு கொண்டு வரவழைத்து பெண்களை வைத்து விபச்சாரம் செய்வது வந்தது தெரியவந்தது.

அவர்களை சுற்றி வளைத்து போலீசார் கைது செய்தனர். அந்த வகையில் ரிசார்ட் மேலாளர் செந்தில்குமார்(40), அவரது மனைவி ஜெயலட்சுமி (35), ரிசல்ட் குத்தகைதாரர் ராஜா (48) ஆகியோர் கைது செய்யப்பட்டனர். ரிசார்ட்டில் இருந்த 12 பெண்களை போலீசார் மீட்டனர். இந்த காரியங்களுக்கு அவர்கள் பயன்படுத்திய கணினி மற்றும் செல்போன்களை போலீசார் பறிமுதல் செய்தனர்.

The post மதுரை அருகே விபச்சாரம் ரிசார்ட் மேலாளர் உள்பட 3 பேர் கைது: 12 பெண்கள் மீட்பு appeared first on Dinakaran.