ராசிபுரம், மே 21: 12ம் வகுப்பு பொதுத்தேர்வில் அதிக மதிப்பெண் பெற்ற குருசாமிபாளையம் வித்யாமந்திர் பள்ளி மாணவர்களுக்கு, கலெக்டர் பாராட்டு தெரிவித்தார். ராசிபுரம் அருகே குருசாமிபாளையத்தில் செயல்பட்டு வரும்  வித்யாமந்திர் மெட்ரிக் பள்ளி மாணவர் கோகுல், 12ம் வகுப்பு தேர்வில் 597 மதிப்பெண்கள் பெற்று சிறப்பிடம் பிடித்துள்ளார். மாணவர் கோகுல் பாடவாரியாக தமிழ் பாடத்தில்-98, ஆங்கிலம்-99, இயற்பியல்-100, வேதியியல்-100, உயிரியல்-100, கணிதம்-100 மதிப்பெண்கள் பெற்றுள்ளார். மேலும், இப்பள்ளி மாணவி வசந்தா 589 மதிப்பெண்கள் பெற்றுள்ளார். மாணவர் பிரகாஷ் 582 மதிப்பெண்கள் பெற்றுள்ளார். சிறப்பிடம் பெற்ற மாணவ -மாணவிகள் மற்றும் பள்ளியின் தலைவர் நாகேந்திரன், தாளாளர் ராதாகிருஷ்ணன், பொருளாளர் மனோகரன், பள்ளியின் முதல்வர் மகேந்திரன் உள்ளிட்டோர், நாமக்கல் மாவட்ட கலெக்டர் உமாவை நேரில் சந்தித்து வாழ்த்து பெற்றனர்.

The post மாணவர்களுக்கு கலெக்டர் பாராட்டு appeared first on Dinakaran.