ராகுல் 15, படிக்கல் 9, ஸ்டாய்னிஸ் 19 ரன் எடுத்து பெவிலியன் திரும்பினர். லக்னோ 8.4 ஓவரில் 78 ரன்னுக்கு 3 விக்கெட் இழந்து தடுமாறிய நிலையில், டி காக் – பூரன் இணைந்து ஸ்கோரை உயர்த்தினர். டி காக் 34 பந்தில் அரை சதம் அடித்தார். இந்த ஜோடி 4வது விக்கெட்டுக்கு 47 ரன் சேர்த்தது.
டி காக் 54 ரன் (38 பந்து, 5 பவுண்டரி, 2 சிக்சர்), பூரன் 42 ரன் (21 பந்து, 3 பவுண்டரி, 3 சிக்சர்) விளாசி ஆட்டமிழந்தனர். கடைசி கட்டத்தில் பதோனி 8, பிஷ்னோய் 0, மோஷின் 2 ரன்னில் அணிவகுத்தனர். எனினும், க்ருணால் அதிரடியாக பந்தை பறக்கவிட லக்னோ 20 ஓவரில் 8 விக்கெட் இழப்புக்கு 199 ரன் குவித்தது. க்ருணால் 43 ரன் (22 பந்து, 4 பவுண்டரி, 2 சிக்சர்), நவீன் (0) ஆட்டமிழக்காமல் இருந்தனர். பஞ்சாப் பந்துவீச்சில் சாம் கரன் 3, அர்ஷ்தீப் 2, ரபாடா, ராகுல் சஹார் தலா 1 விக்கெட் வீழ்த்தினர். அடுத்து களமிறங்கிய பஞ்சாப் 20 ஓவரில் 5 விக்கெட் இழப்புக்கு 178 ரன் மட்டுமே எடுத்து, 21 ரன் வித்தியாசத்தில் தோல்வியைத் தழுவியது. ஷிக்கர் தவான் அதிகபட்சமாக 70 ரன் (50 பந்து, 7 பவுண்டரி, 3 சிக்சர்) விளாசினார். பேர்ஸ்டோ 42 ரன், லிவிங்ஸ்டோன் 28 ரன் எடுத்தனர். லக்னோ பந்துவீச்சில் மயங்க் யாதவ் 3 விக்கெட்,மோஷின் 2 விக்கெட் வீழ்த்தினர். லக்னோ அணி 2 புள்ளிகள் பெற்றது.
The post டி காக் 54, பூரன் 42, க்ருணால் 43* ரன் விளாசல் பஞ்சாப் கிங்சை வீழ்த்தியது லக்னோ appeared first on Dinakaran.