சென்னை: உதவி வனப்பாதுகாவலர் தேர்வுக்கான ஹால் டிக்கெட் இணையதளத்தில் வெளியிடப்பட்டுள்ளது என டிஎன்பிஎஸ்சி அறிவித்துள்ளது. டிஎன்பிஎஸ்சி தேர்வு கட்டுப்பாட்டு அலுவலர் அஜய் யாதவ் நேற்று வெளியிட்ட அறிவிப்பு:
தமிழ்நாடு வனப்பணி (குரூப் 1ஏ பணி) உதவி வனப் பாதுகாவலர் பதவிக்கான முதன்மை எழுத்து தேர்வு வருகிற 13ம் தேதி 17ம் தேதி வரை சென்னை மாவட்ட மையத்தில் நடைபெற உள்ளது. தேர்வு எழுத அனுமதிக்கப்பட்ட விண்ணப்பதாரர்களின் தேர்வுக்கூட நுழைவு சீட்டுகள் தேர்வாணையத்தின் இணையதளமான www.tnpsc.gov.in ல் பதிவேற்றம் செய்யப்பட்டுள்ளது. விண்ணப்பதாரர்கள் தங்களுடைய ஒருமுறை பதிவேற்றம் மூலமாக மட்டுமே விண்ணப்ப எண் மற்றும் பிறந்த தேதியை உள்ளீடு செய்து தேர்வுக்கூட நுழைவு சீட்டினை பதிவிறக்கம் செய்ய முடியும்.

The post உதவி வனப்பாதுகாவலர் மெயின் தேர்வுக்கு ஹால் டிக்கெட் appeared first on Dinakaran.