அதில் இருந்து மீள்வதற்கு முன்பாகவே வார்னர் 2 ரன் எடுத்து ரன் அவுட்டானார். ரைலீ ரூஸோ 8 ரன், மணிஷ் பாண்டே 1 ரன், பிரியம் கார்க் 10 ரன் எடுத்து ஷமி வேகத்தில் விக்கெட் கீப்பர் சாஹாவிடம் பிடிபட்டனர். டெல்லி கேப்பிடல்ஸ் 5 ஓவரில் 23 ரன்னுக்கு 5 விக்கெட் இழந்து திணறியது. இந்த நிலையில், அக்சர் படேல் – அமான் ஹகிம் கான் இணைந்து அணியை சரிவில் இருந்து மீட்கப் போராடினர். பொறுப்புடன் விளையாடிய இந்த ஜோடி 6வது விக்கெட்டுக்கு 50 ரன் சேர்த்தது. அக்சர் படேல் 27 ரன் எடுத்து (30 பந்து, 2 பவுண்டரி, 1 சிக்சர்) மோகித் வேகத்தில் ரஷித் கான் வசம் பிடிபட்டார்.
அடுத்து அமான் கானுடன் இணைந்த ரிபல் படேல் அதிரடி காட்ட, டெல்லி கவுரவமான ஸ்கோரை எட்டியது. அமான் கான் 51 ரன் (44 பந்து, 3 பவுண்டரி, 3 சிக்சர்) விளாசி ரஷித் கான் சுழலில் மனோகரிடம் கேட்ச் கொடுத்து ஆட்டமிழந்தார். ரிபல் படேல் 23 ரன் (13 பந்து, 2 பவுண்டரி, 1 சிக்சர்) எடுத்து மோகித் பந்துவீச்சில் ஹர்திக் வசம் பிடிபட்டார். டெல்லி கேப்பிடல்ஸ் 20 ஓவர் முடிவில் 8 விக்கெட் இழப்புக்கு 130 ரன் எடுத்தது. அன்ரிச் (3), குல்தீப் (0) ஆட்டமிழக்காமல் இருந்தனர். குஜராத் பந்துவீச்சில் ஷமி 4 ஓவரில் 11 ரன் மட்டுமே விட்டுக்கொடுத்து 4 விக்கெட் கைப்பற்றினார். மோகித் 2, ரஷித் 1 விக்கெட் வீழ்த்தினர். இதைத் தொடர்ந்து, 20 ஓவரில் 131 ரன் எடுத்தால் வெற்றி என்ற எளிய இலக்குடன் குஜராத் அணி களமிறங்கியது.
The post முகமது ஷமி வேகத்தில் சரிந்தது டெல்லி கேப்பிடல்ஸ்: மானம் காத்தார் அமான் கான் appeared first on Dinakaran.