இந்நிலையில், அதிமுக பொதுச் செயலாளராக எடப்பாடி பழனிசாமி தேர்தல் ஆணையத்தால் அங்கீகரிக்கப்பட்டுள்ள நிலையில், அரசியல் அரங்கில் அவரது செல்வாக்கு அதிகரித்துள்ளது. இதனால், டிடிவி தினகரனின் அமமுக மற்றும் ஓபிஎஸ் அணி நிர்வாகிகள் அதிமுகவில் இணைந்து வருகின்றனர்.
இந்த நிலையில், அமமுக பொருளாளரும் திருச்சி மாவட்ட செயலாளருமான ஆர்.மனோகரன், அமமுக கட்சியில் இருந்து விலகி எடப்பாடி பழனிசாமி முன்னிலையில் அதிமுகவில் இன்று இணைந்தார். அவருடன் திருச்சி மாநகர் மாவட்ட அம்மா பேரவை செயலாளர் வழக்கறிஞர் தினேஷ்குமார், மாநகர் மாவட்ட சிறுபான்மை பிரிவு செயலாளர் அப்துல் ரகுமான், அந்தநல்லூர் ஒன்றிய கழக செயலாளர் சாத்தனூர் பி.வாசு உள்ளிட்ட நிர்வாகிகள் அம்மா மக்கள் முன்னேற்றக் கழகத்திலிருந்து இருந்து விலகி பொதுச் செயலாளர் எடப்பாடி பழனிச்சாமி முன்னிலையில் தங்களை அதிமுகவில் இணைத்துக் கொண்டனர்.
The post எடப்பாடி பழனிசாமி முன்னிலையில் அமமுக பொருளாளர் அதிமுகவில் இணைந்தார் appeared first on Dinakaran.