செந்துறை,ஜன.4: செந்துறை அருகே பள்ளி மாணவியிடம் ஆபாச புகைப்படங்களை காட்டி பாலியல் தொந்தரவு செய்த ஆசிரியர் தலைமறைவாகி உள்ளார். இது தொடர்பாக போலீசார் வழக்குப்பதிவு செய்து ஆசிரியரை தேடி வருகின்றனர். அரியலூர் மாவட்டம் செந்துறை வட்டத்திற்கு உட்பட்ட குறிச்சிகுளம் கிராமத்தில் ஆதிதிராவிடர் ஊராட்சி ஒன்றிய நடுநிலைப்பள்ளி இயங்கி வருகிறது. இப்பள்ளியில் 200க்கும் மேற்பட்ட மாணவ மாணவிகள் ஒன்று முதல் 8ம் வகுப்பு கல்வி பயின்று வருகின்றனர். பள்ளியில் அறிவியல் ஆசிரியராக பொன்பரப்பி கிராமத்தை சேர்ந்த ராஜமாணிக்கம்(50) என்பவர் பணியாற்றி வருகிறார். இவர் பள்ளி மாணவிகளிடம் ஆபாச புகைப்படங்களை காட்டி இரட்டை ஆர்த்த வார்த்தைகளால் பேசி பாலியல் தொந்தரவு செய்வதாக மாணவிகள் பெற்றோர்களிடம் புகார் செய்தனர்.