அரியலூர், ஏப். 1: அரியலூரில் அமமுக ஒன்றிய செயலாளர் தலைமையில் 50க்கும் மேற்பட்ட அமமுகவினர் அரசு தலைமை கொறடாவும், அதிமுக வேட்பாளருமான தாமரை ராஜேந்திரன் முன்னிலையில் நேற்று அதிமுகவில் இணைந்தனர்.
அரியலூர் அதிமுக வேட்பாளர் தாமரை ராஜேந்திரன் அரியலூர் நகர பகுதிகளில் அதிமுக அரசின் சாதனைகள், தான் செய்த பணிகள் குறித்து கூறி பிரசாரம் செய்தார். அவருடன் கூட்டணி கட்சியினர் உடன் சென்றனர். மாலை 4 மணி முதல் ராயம்புரம், அயன்ஆத்தூர், கல்லங்குறிச்சி, வாலாஜாநகரம், எருத்துக்காரன் பகுதிகளில் இயக்குநர் ரங்கநாதன் மற்றும் நகைச்சுவை நடிகர் அனுமோகன் ஆகியோர் வேட்பாளர் தாமரை ராஜேந்திரனுக்கு ஆதரவாக இரட்டை இலை சின்னத்திற்கு வாக்கு சேகரித்தனர்.