துபாய்: ஒருநாள் போட்டிகளுக்கான ஐசிசி பேட்டிங் தரவரிசையில், இங்கிலாந்து வீரர் ஜோ ரூட் மீண்டும் டாப் 10ல் இடம் பிடித்துள்ளார். சமீபத்தில் இந்திய அணியுடன் நடந்த தொடரில் ஒரு முறை கூட ஆட்டமிழக்காமல் 76 ரன், 99 ரன், 74 ரன் விளாசி சாதனை படைத்த ரூட், தரவரிசையில் 4 இடங்கள் முன்னேறி 8வது இடத்தை பிடித்துள்ளார். 2020க்கு பிறகு ரூட் முதல் முறையாக ஒருநாள் பேட்டிங் தரவரிசை டாப் 10ல் நுழைந்துள்ளது குறிப்பிடத்தக்கது.
இந்திய அணி முன்னாள் கேப்டன் ரோகித் ஷர்மா தொடர்ந்து 4வது இடத்தை தக்கவைத்துக் கொண்டுள்ளார். லண்டன் லார்ட்ஸ் மைதானத்தில் நடந்த 3வது ஒருநாள் போட்டியில் அவர் 138 ரன் விளாசியது ரேங்க்கை தக்கவைக்க உதவியுள்ளது. நியூசிலாந்தின் டேரில் மிட்செல், இந்திய அணி கேப்டன் கில், அனுபவ வீரர் விராத் கோஹ்லி முதல் 3 இடங்களில் உள்ளனர். பந்துவீச்சாளர்களுக்கான தரவரிசையில் ரஷித் கான் (ஆப்கான்), அப்ரார் அகமது (பாகிஸ்தான்), ஜோப்ரா ஆர்ச்சர் (இங்கிலாந்து), மிட்செல் சான்ட்னர் (நியூசி.), கேஷவ் மகராஜ் (தெ.ஆப்.) டாப் 5ல் உள்ளனர்.
