திருவண்ணாமலை, ஜூன் 8: திருவண்ணாமலை அண்ணாமலையார் கோயிலில் போக்குவரத்து துறை அமைச்சர் விஜய் தமிழன் பார்த்திபன் சுவாமி தரிசனம் செய்தார். திருவண்ணாமலை அண்ணாமலையார் கோயிலில் நேற்று போக்குவரத்து துறை அமைச்சர் விஜய் தமிழன் பார்த்திபன் தனது குடும்பத்தினருடன் சுவாமி தரிசனம் செய்தார். சம்பந்த விநாயகர் சன்னதியை தரிசனம் செய்த பிறகு, சுவாமி சன்னதி மற்றும் அம்மன் சன்னதியில் தரிசனம் செய்தார்.

பின்னர், அம்மன் சன்னதி முன்பு நெய் தீபம் ஏற்றி வழிபட்டார். மேலும் கோயில் ஸ்தல வரலாறு, விழாக்கள் மற்றும் சிறப்புகள் குறித்து சிவாச்சாரியார்களிடம் ஆர்வமுடன் கேட்டு அறிந்தார். அவருக்கு, கோயில் நிர்வாகத்தின் சார்பில் பிரசாதம் வழங்கப்பட்டது. தேர்தல் வெற்றியை தொடர்ந்து, வேண்டுதலை நிறைவேற்ற கோயிலுக்கு வந்ததாக கூறப்படுகிறது. அவருடன் , திருவண்ணாமலை தெற்கு மாவட்ட தாவக செயலாளர் பாரதிதாசன் மற்றும் கட்சி நிர்வாகிகள் உடன் வந்திருந்தனர்.