ஊட்டி, பிப்.26: 5 மாநில புலிகள் காப்பகங்களின் கள இயக்குநர்கள் மற்றும் முதன்மை வன பாதுகாவலர்கள் முதுமலை புலிகள் காப்பகத்தில் கள ஆய்வு மேற்கொண்டனர். தென்னிந்தியாவில் உள்ள தமிழ்நாடு, கர்நாடகம், கேரளா, ஆந்திரா, தெலங்கானா ஆகிய 5 மாநிலங்களில் உள்ள புலிகள் காப்பகம் கள இயக்குனர்கள் மற்றும் முதன்மை வனப்பாதுகாவலர் கள் கலந்துகொள்ளும் ஆலோசனை கூட்டம் ஊட்டியில் நடந்தது. தேசிய புலிகள் பாதுகாப்பு ஆணையம் சார்பில் நடத்தப்பட்ட இந்த கூட்டத்தில் புலிகள் காப்பகத்தின் மேலாண்மை மதிப்பீடு பணிகள் குறித்து விவாதிக்கப்பட்டது.