சென்னை: “இறுதி வாக்காளர் பட்டியல்” சென்னை மாவட்டத்திற்குட்பட்ட 16 சட்டமன்றத் தொகுதிகளின் இறுதி வாக்காளர் பட்டியல் வெளியிடப்பட்டுள்ளது. இது தொடர்பாக வெளியிடப்பட்டுள்ள செய்திக்குறிப்பில்; இந்திய தேர்தல் ஆணைய உத்திரவின் படி சென்னை மாவட்டத்திற்குட்பட்ட 16 சட்டமன்ற தொகுதிகளில் 01.01.2026.ஆம் தேதியை தகுதி நாளாக கொண்டு வாக்காளர் பட்டியல், சிறப்பு தீவிரத் திருத்தம் மேற்கொள்ளப்பட்டு, இதற்கான இறுதி வாக்காளர் பட்டியல் இன்று 23.02.2026 வெளியிடப்படுகிறது.

மேற்படி 16 சட்டமன்ற தொகுதிகளுக்கான இறுதி வாக்காளர் பட்டியல் அங்கீகரிக்கப்பட்ட அனைத்து அரசியல் கட்சிகளின் பிரதிநிதிகளின் முன்னிலையில் வெளியிடப்பட்டது. மேலும் சென்னை மாநகராட்சி மண்டல அலுவலகங்கள் 4, 5, 6, 8, 9, 10, 13 மற்றும் அனைத்து வாக்குச்சாவடி மையங்களிலும், இறுதி வாக்காளர் பட்டியல் பொதுமக்கள் பார்வைக்காக வைக்கப்படும். பொதுமக்கள் தங்களது பெயர் மற்றும் குடும்பத்தாரரது பெயர்கள் குறித்த விவரங்களை சரிபார்த்துக் கொள்ள கேட்டுக்கொள்ளப்படுகிறார்கள்.

சென்னை மாவட்டத்தில் 4079 வாக்குச்சாவடிகள் அமைக்கப்பட்டு அதன் அடிப்படையில் இன்று இறுதி வாக்காளர் பட்டியல் வெளியிடப்படுகிறது. அதிகபட்சமாக வேளச்சேரி சட்டமன்ற தொகுதியில் 314 வாக்குச்சாவடிகளும். குறைந்தபட்சமாக துறைமுகம் சட்டமன்ற தொகுதியில் 192 வாக்குச்சாவடிகளும் அமைக்கப்பட்டுள்ளன. மேற்படி நடைப்பெற்று முடிந்த சிறப்பு தீவிரத் திருத்தத்தின்படி, சென்னை மாவட்டத்தில் 13,65,763 ஆண் வாக்காளர்களும், 14,64,344 பெண் வாக்காளர்களும் மற்றும் 829 மூன்றாம் பாலின வாக்காளர்களும் என மொத்தம் 28,30,936 வாக்காளர்களின் பெயர்கள் இறுதி வாக்காளர் பட்டியலில் இடம் பெற்றுள்ளது.

தற்போது வெளியிடப்படும் இறுதி வாக்காளர் பட்டியலின்படி சென்னை மாவட்டத்தில் சட்டமன்ற தொகுதி வாரியாக வாக்காளர்களின் எண்ணிக்கை கீழ்க்கண்டவாறு உள்ளது.

டாக்டர்.இராதாகிருஷ்ணன் நகர் தொகுதியில் 93,576 ஆண் வாக்காளர்கள், 1,02,201 பெண் வாக்காளர்கள், 79 மூன்றாம் பாலினத்தவர்கள் என 1,95,856 பேர் உள்ளனர்.

பெரம்பூர் தொகுதியில் 1,07.995 ஆண் வாக்காளர்கள், 1,14,726 பெண் வாக்காளர்கள், 71 மூன்றாம் பாலினத்தவர்கள் என 2,22,792 பேர் உள்ளனர்.

கொளத்தூர் தொகுதியில் 99,607 ஆண் வாக்காளர்கள், 1,07,607 பெண் வாக்காளர்கள், 37 மூன்றாம் பாலினத்தவர்கள் என 2,07,251 பேர் உள்ளனர்.

வில்லிவாக்கம் தொகுதியில் 76,947 ஆண் வாக்காளர்கள், 82,785 பெண் வாக்காளர்கள், 32 மூன்றாம் பாலினத்தவர்கள் என 1,59,764 பேர் உள்ளனர்.

திரு.வி.க.நகர் (தனி) தொகுதியில் 85,724 ஆண் வாக்காளர்கள், 93,008 பெண் வாக்காளர்கள், 61 மூன்றாம் பாலினத்தவர்கள் என 1,78,793 பேர் உள்ளனர்.

எண்.16.எழும்பூர் (தனி) தொகுதியில் 65,677 ஆண் வாக்காளர்கள், 69,149 பெண் வாக்காளர்கள், 53 மூன்றாம் பாலினத்தவர்கள் என 1,34,879 பேர் உள்ளனர்.

ராயபுரம் தொகுதியில் 75,870 ஆண் வாக்காளர்கள், 81,004 பெண் வாக்காளர்கள், 57 மூன்றாம் பாலினத்தவர்கள் என 1,56,931 பேர் உள்ளனர்.

எண்.18.துறைமுகம் தொகுதியில் 58,221 ஆண் வாக்காளர்கள், 58,620 பெண் வாக்காளர்கள், 55 மூன்றாம் பாலினத்தவர்கள் என 1,16,896 பேர் உள்ளனர்.

சேப்பாக்கம் திருவல்லிக்கேணி தொகுதியில் 79,412 ஆண் வாக்காளர்கள், 84,396 பெண் வாக்காளர்கள், 58 மூன்றாம் பாலினத்தவர்கள் என 1,63,866 பேர் உள்ளனர்.

ஆயிரம் விளக்கு தொகுதியில் 73,500 ஆண் வாக்காளர்கள், 80,343 பெண் வாக்காளர்கள், 65 மூன்றாம் பாலினத்தவர்கள் என 1,53,908 பேர் உள்ளனர்.

அண்ணா நகர் தொகுதியில் 87,325 ஆண் வாக்காளர்கள், 94,029 பெண் வாக்காளர்கள், 48 மூன்றாம் பாலினத்தவர்கள் என 1,81,402 பேர் உள்ளனர்.

விருகம்பாக்கம் தொகுதியில் 95,025 ஆண் வாக்காளர்கள், 1,01,461 பெண் வாக்காளர்கள், 50 மூன்றாம் பாலினத்தவர்கள் என 1,96,536 பேர் உள்ளனர்.

சைதாப்பேட்டை தொகுதியில் 96,950 ஆண் வாக்காளர்கள், 1,03,685 பெண் வாக்காளர்கள், 62 மூன்றாம் பாலினத்தவர்கள் என 2,00,697 பேர் உள்ளனர்.

தியாகராயநகர் தொகுதியில் 74,682 ஆண் வாக்காளர்கள், 80,228 பெண் வாக்காளர்கள், 33 மூன்றாம் பாலினத்தவர்கள் என 1,54,943 பேர் உள்ளனர்.

மயிலாப்பூர் தொகுதியில் 93,017 ஆண் வாக்காளர்கள், 1,01,691 பெண் வாக்காளர்கள், 23 மூன்றாம் பாலினத்தவர்கள் என 1,94,731 பேர் உள்ளனர்.

வேளச்சேரி தொகுதியில் 1,02,235 ஆண் வாக்காளர்கள், 1,09,411 பெண் வாக்காளர்கள், 45 மூன்றாம் பாலினத்தவர்கள் என 2,11,691 பேர் உள்ளனர்.

சென்னை முழுவதும் 13,65,763 ஆண் வாக்காளர்களும், 14,64, 344 பெண் வாக்காளர்களும், 829 மூன்றாம் பாலினத்தவர்களும் உள்ளனர். மொத்தம் 28,30, 936 வாக்காளர்கள் உள்ளனர். இதில் குறைந்தபட்சமாக துறைமுகம் சட்டமன்ற தொகுதியில் 1,16,896 வாக்காளர்களும், அதிகபட்சமாக பெரம்பூர் சட்டமன்ற தொகுதியில் 2,22,792 வாக்காளர்களும் உள்ளனர்.