கொழும்பு: பாகிஸ்தான் கிரிக்கெட் அணியின் சுழற்பந்துவீச்சாளர் உஸ்மான் தாரிக். வித்தியாசமாக பந்துவீசும் இவரின் ஸ்டைல் சர்ச்சையை ஏற்படுத்தி உள்ளது. இருப்பினும் இவர் கிரிக்கெட் ரசிகர்கள் மத்தியில் கவனம் ஈர்த்துள்ளார். இந்நிலையில் நேற்று அவர் பேட்டிஅளித்தபோது தனது ரோல்மாடல் குறித்து கூறியதாவது:எம்.எஸ். டோனியின் வாழ்க்கை வரலாற்றுத் திரைப்படத்தைப் பார்த்த பிறகுதான், தான் கிரிக்கெட் விளையாட வந்தேன். நான் வேறு ஒரு வேலை செய்து கொண்டிருந்த நேரத்தில் அவருடைய கதை என்னுடையதைப் போலவே இருந்தது, அவரும் அப்படித்தான். அவர் வரலாற்றைப் படைத்தார், அவரால் அதைச் செய்ய முடிந்ததால் ஒருவேளை நானும் அதைச் செய்ய முடியும் என்று உணர்ந்தேன். ஆனால் அதற்கு, நான் மிகவும் கடினமாக உழைக்க வேண்டியிருக்கும். அதுதான் என்னை கிரிக்கெட்டுக்குத் திரும்பத் தூண்டியது,” என்றார்.
மேலும் அவர் கூறுகையில், ”நாங்கள் எங்கள் தவறுகளில் இருந்து மீண்டு வந்துள்ளோம், எனவே அது கடினமான பணியாக இருக்காது என்று நான் நினைக்கிறேன். மீண்டும் அதே தவறுகளைச் செய்யக்கூடாது என்பதில் நாங்கள் உறுதியாக இருக்கிறோம். இந்தியாவுக்கு எதிரான தோல்வியால் ரசிகர்களின் வலியை நாங்கள் உணர்கிறோம். , ஆனால் நாங்கள் (இந்தியாவுடன்) அடுத்ததாக விளையாடும்போது சிறந்த ஆட்டத்தை வெளிப்படுத்துவோம் என்று நான் உறுதியாக நம்புகிறேன். நாங்கள் யாருக்கு எதிராக ஆடினாலும் வெல்லும் நம்பிக்கை எங்களுக்கு உள்ளது, இறுதிப் போட்டியில் விளையாடி கோப்பையை வெல்வதே எங்கள் குறிக்கோள். அதை அடைய நாங்கள் எங்களால் முடிந்த அனைத்தையும் செய்வோம்.” என்றார்.
