நாகர்கோவில், ஜன.11: குமரி மாவட்ட பா.ஜ. சார்பில் வெளியிடப்பட்டுள்ள அறிக்கையில் கூறியிருப்பதாவது: திருநெல்வேலியில் இருந்து கார் மூலம் இன்று (11ம் தேதி) குமரி மாவட்டம் வரும் தமிழக பா.ஜ தலைவர் முருகனுக்கு தோவாளையில் மாவட்ட பாஜ சார்பில் காலை 9.30 மணிக்கு வரவேற்பு அளிக்கப்படுகிறது. காலை 10 மணி முதல் பகல் 12 மணி வரை நாகர்கோவில், வடசேரி ஓட்டலில் நடைபெறுகின்ற கட்சி நிர்வாகிகள் ஆலோசனை கூட்டத்தில் கலந்துகொண்டு அவர் பேசுகிறார். பகல் 12.10 முதல் 12.20 வரை டாக்டர் அம்பேத்கர் மக்கள் இயக்க மாவட்ட தலைவர் மற்றும் நிர்வாகிகளை அங்கு சந்தித்து பேசுகிறார்.