ஊத்துக்கோட்டை: திருக்கண்டலம் கிராமத்தில் மினி கிளினிக் திறப்பு விழாவில் பெண்கள் புடவையை வாங்க முயன்றபோது தள்ளுமுள்ளு ஏற்பட்டது. பெரியபாளையம் அருகே திருக்கண்டலம் கிராமத்தில், ‘மினி கிளினிக் திறப்பு விழா’ நேற்று நடைபெற்றது. இதில், ஊராட்சி மன்ற தலைவர் மதன் என்ற சத்தியராஜ் தலைமை தாங்கினார். சுகாதார பணிகளின் துணை இயக்குனர் ஜவகர்லால், வட்டார மருத்துவ அலுவலர் பிரபாகரன், ஒன்றிய கவுன்சிலர் ரவி முன்னாள் ஒன்றிய கவுன்சிலர்கள் விவேகானந்தன், குமார் ஆகியோர் முன்னிலை வகித்தனர். சுகாதார மேற்பார்வையாளர் ஜெகந்நாதலு, சுகாதார ஆய்வாளர் சுப்பிரமணி வரவேற்றனர். சிறப்பு அழைப்பாளராக கலந்துகொண்ட கும்மிடிப்பூண்டி எம்எல்ஏ கே.எஸ்.விஜயகுமார், மினி கிளினிக்கை திறந்து வைத்து சிறப்புரையாற்றினார்.